Gå til hovedinnhold
Havforskningsinstituttet HI Åpne/Lukke hovedmeny
English <- Tilbake

Klimaministeren opnar Rosendalsveko 2026

To dresskledde menn står utenfor et bygg i solskinn

Klima- og miljøminister Andreas Bjelland Eriksen opnar årets Rosendalsveko. Her med havforskingsdirektør Nils Gunnar Kvamstø (t.v.) frå eit tidlegare besøk hjå Havforskingsinstituttet i Bergen. 

Fotograf: Bente Kjøllesdal / HI

3. til 4. august møtest næring, forvalting, politikarar og forskarar under Rosendalsveko. 

Publisert: 03.07.2026 Forfatter: Bente Kjøllesdal

Klima- og miljøminister Andreas Bjelland Eriksen har tidlegare teke til orde for å stansa bit-for-bit-nedbygginga av norsk natur. Han opnar årets Rosendalsveko, før nokre av regionens fremste forskarar deler den nyaste kunnskapen om arealutfordringar vi står overfor på land og i sjø. 

Årets tema for Rosendalsveko er «Klimatilpassing – frå kunnskap til handling».

Kraftutbygging, hytteutbygging og havbruk – «alle» vil ha sin bit av kysten, men kven skal bestemma over arealbruken? Regjeringa, Storting, forvalting, fylkeskommunar – eller er det kanskje kommunane sjølve?

Tidlegare i år avslo Statsforvaltaren ni søknader om nye oppdrettsanlegg i Hardangerfjorden, av omsyn til miljøkostnaden av utsleppa. 

Samtidig vert store nye kraftprosjekt, effektoppgraderingar og nye linjetrasear både planlagde og bygde.

Under Rosendalsveko møtest lokalpolitikarane og stortingspolitikarane, næringslivsleiarane og akademia til diskusjon. 

Rosendalsveko 2026

Ei folkemengd står utanfor Folgefonnsenteret i Rosendal, der eit telt er sett opp på kaia. ​​​​​​​

Rosendalsveko er ein årviss konferanse, som samlar kunnskapsinstitusjonar, næringsliv, samfunnsliv og politikarar til formidling av kunnskap og diskusjonar rundt klima, naturmangfald, energi, næringsutvikling  og berekraft.

Når: 3.-4. august 2026
Kor: Folgefonnsenteret, Rosendal
Arrangør: Folgefonnsenteret, Universitetet i Bergen og Havforskingsinstituttet

Rosendalsveko samlar om lag 120 deltakarar kvart år. I år deltek mellom andre klima- og miljøminister Andreas Bjelland Eriksen, Lars Haltbrekken (SV), Ove Trellevik (H), Frøya Skjold Sjursæther (MDG), Helge Andreé Njåstad (Frp), Erling Sande (Sp) og Linda Merkesdal (Ap). Dessutan deltek ordførarane Vegard Bjørnevik (Kvinnherad), Mette Heidi Ekrheim (Etne), Timo Knoch (Eidfjord) og Bente Kari Sletten Taranger (Austevoll).

Sjå fullt program her. 

Kjøp billett her. 

​​​​​​​Nytt høvet, medan det framleis er ledige plassar.