Kvoteråd: Nordaustarktisk torsk

Norsk-russisk råd

Den felles russisk-norske arbeidsgruppa for arktiske fiskeri (JRN-AFWG) tilrår at når ein følgjer forvaltingsplanen vedtatt av den norsk-russiske fiskerikommisjonen, bør fangstane i 2027 ikkje overstige 312 667 tonn. 

Historisk  bestandsutvikling

Fiskepresset i 2025 er over F_pa, under F_lim, men innanfor intervallet gitt i forvaltingsplanen (0,40-0,60), og gytebestanden i 2026 er under B_pa, men over B_lim. 

Venta bestandsutvikling

*SSB i 2028 samanlikna med SSB i 2027
**Fangst i 2027 samanlikna med kvote i 2026
***Råd for 2027 samanlikna med råd for 2026

Sidan gytebestanden (SSB) i 2027 er under B_pa = 460 000 tonn blir F = 0,40*SSB₂₀₂₇/B_pa=0,30 brukt i 3-års prediksjonen i haustingsregelen, som gir fangstar på 272 528, 315 183 og 350 290 tonn i hhv. 2027, 2028 og 2029. Gjennomsnittet av dette er 312 667 tonn, som då blir kvoterådet. 

Rådet for 2026 er 16 % høgare enn for 2026 på grunn av at det kjem betre årsklasser inn i fisket.

Kvaliteten på bestandsvurderinga

Etter metoderevisjonen i 2021 har bestandsvurderingane vore relativt konsistente frå år til år. 

Saker relevant for rådet

På grunn av at Russland ikkje lenger er med i ICES, vart bestandsvurderinga, som i 2022-2025, gjort av den felles russisk-norske arbeidsgruppa for arktiske fiskeri (JRN-AFWG) samansett av forskarar frå VNIRO i Russland og frå Havforskingsinstituttet. Metodikken frå siste ICES metoderevisjon vart bruk, med små endringar. 

Bifangst av vanleg uer og kysttorsk i fisket etter nordaust arktisk torsk bør gjerast så låg som mogleg. 

Rekrutteringa har vore under middels etter 2014-årsklassen, men 2021-årsklassen er omlag middels sterk. Årsklassene etter 2021 er alle under middels og 2023 og 2024-årsklassen er svake. Prognosane for 2027 og dei følgande åra indikerer at gytebestanden vil vere under B_pa fram til 2029, sjølv om fangstane, gytebestanden og totalbestanden vil vise ein svak auke etter 2027.  

Grunnlaget for bestandsvurderinga

ICES bestandskategori: 1
Bestandsvurderingstype: Aldersstrukturert modell (SAM).

Nøkkeltal

Kritisk gytebestandsnivå (B_lim): 220 000 tonn
Føre-var-gytebestandsnivå (B_pa): 460 000 tonn
Tiltaksgrense for maksimalt langtidsutbytte (MSYB_trigger): 460 000 tonn Kritisk fiskedødsrate (Flim): 0,74
Føre-var-fiskedødsrate (F_pa): 0,40
Fiskedødsrate for maksimalt langtidsutbytte (F_MSY): 0,40
Avtalt fiskedødsratenivå i forvaltingsplan (F_MGT): 0,40-0,60 (nivået blir auka for høge gytebestandar i følge den gjeldande forvaltingsplanen)
Venta fiskedødsrate i 2026: 0,371 
Venta gytebestand i 2027: 345 518 tonn

Standardplott 

Les heile det tekniske kvoterådet her.

Les hovudrapporten her.