Kvoteråd: Nordaustarktisk torsk

Norsk-russisk råd

Den felles russisk-norske arbeidsgruppa for arktiske fiskeri (JRN-AFWG) tilrår at når ein følgjer forvaltingsplanen vedtatt av den norsk-russiske fiskerikommisjonen, bør fangstane i 2026 ikkje overstige 269 440 tonn.

Historisk  bestandsutvikling

Fiskepresset i 2024 er  over F_pa, under F_lim , men over intervallet gitt i forvaltingsplanen (0,40-0,60), og gytebestanden i 2025 er under B_pa, men over B_lim.

Venta  bestandsutvikling

*SSB i 2027 samanlikna med SSB i 2026

**Fangst i 2026 samanlikna med kvote i 2025

*** Råd for 2026 samanlikna med råd for 2025

Sidan gytebestanden (SSB) i 2026 er under B_pa = 460 000 tonn blir F = 0,40*SSB₂₀₂₆/B_pa=0,283 brukt i 3-års prediksjonen i haustingsregelen, som gir fangstar på 214 765, 270 953 og 322 601 tonn i hhv. 2026, 2027 og 2028. Gjennomsnittet av dette er 269 440 tonn, som då blir kvoterådet. Sidan gytebestanden er under B_pa i 2026, gjeld ikkje avgrensinga på maksimalt 20% årleg nedgang i kvoten (TAC).

Rådet for 2026 er 14% lågare enn for 2025 på grunn av nedjusteringa av gytebestandsnivået.

Kvaliteten på bestandsvurderinga

Etter metoderevisjonen i 2021 har bestandsvurderingane vore relativt konsistente frå år til år, men fiskepresset har blitt oppjustert.

Saker relevant for rådet

På grunn av at russiske forskarar er suspendert frå ICES, vart bestandsvurderinga, som i 2022-2024, gjort av den felles russisk-norske arbeidsgruppa for arktiske fiskeri (JRN-AFWG) samansett av forskarar frå VNIRO i Russland og frå Havforskingsinstituttet. Metodikken frå siste ICES metoderevisjon vart brukt.

Bifangst av vanleg uer og kysttorsk i fisket etter nordaust arktisk torsk bør gjerast så låg som mogleg.

Rådet i år er betydeleg lågare enn i fjor på grunn av lågare gytebestand (under B_pa) som gjer at fiskepresset i haustingsregelen blir lågare enn F_pa=0,40.  av minkande bestand som blir bekrefta av låge toktindeksar, og dessutan under middels rekruttering til bestanden.

Rekrutteringa har vore under middels etter 2014-årsklassen, men 2021-årsklassen er nær middels sterk. Prognosene for 2026 og dei følgande åra indikerer at gytebestanden vil vere under B_pa fram til 2028, sjølv om fangstane, gytebestanden og totalbestanden vil vise ein auke etter 2026.  

Grunnlaget for bestandsvurderinga

ICES bestandskategori: 1
Bestandsvurderingstype: Aldersstrukturert modell (SAM).

Nøkkeltal

Kritisk gytebestandsnivå (B_lim): 220 000 tonn

Føre-var-gytebestandsnivå (B_pa): 460 000 tonn

Tiltaksgrense for maksimalt langtidsutbytte (MSYB_trigger): 460 000 tonn Kritisk fiskedødsrate (F_lim): 0,74

Føre-var-fiskedødsrate (F_pa): 0,40

Fiskedødsrate for maksimalt langtidsutbytte (F_MSY): 0,40

Avtalt fiskedødsratenivå i forvaltingsplan (F_MGT): 0,40-0,60 (nivået blir auka for høge gytebestandar i følge den gjeldande forvaltingsplanen)

Venta fiskedødsrate i 2025: 0,511

Venta gytebestand i 2026: 325 486 tonn

Standardplott

Les hele rådet: IMR/PINRO-rapport 4-2025