Bromerte flammehemmarar er ei gruppe på om lag 70 stoff som inneheld det kjemiske grunnstoffet brom. Dei blir brukte i ulike produkt som tekstilar og elektronikk for å hindre at produkta tek til å brenne.
Kjemikalia verkar brannhemmande fordi dei aukar stoffa sin tenntemperatur. Bromerte kjemikaliar blir særleg brukt i elektrisk og elektronisk utstyr, maling, bildelar, syntetiske tekstilar, møblar, bygningsmaterialar og emballasje.
Mange bromerte flammehemmarar blir rekna som persistente organiske miljøgifter, og dei fleste av stoffa er forbudt å bruke i dag. Vi blir eksponerte for stoffa frå luft og mat, og i sjømat finst stoffa i feit fisk.
Publisert: 29.03.2019 Oppdatert: 08.04.2021
