Nye kvoteråd for botnfisk i Nordsjøen

Det internasjonale havforskingsrådet (ICES) legg fredag fram sine kvoteråd for 2026 for botnfisk i Nordsjøen og områda rundt.

(Kvoterådet for torsk i Nordsjøen kjem til hausten.)

Opp og ned for seien

ICES rår til at sei-fangstane ikkje bør overstige 60 167 tonn i 2026. Det er ned 24 prosent frå årets kvote.

– I fjor hadde vi litt oppgang for seien, men bestanden har falle til eit nivå som krev tiltak for å stogge nedgangen, seier Bjarte Bogstad, havforskar og norsk representant i ICES.

Til samanlikning var fangstane i fjor på 56 000 tonn, mens dei var på kring 50 000 tonn i 2021 og 2022. Det var det lågaste på over 50 år.

I Nordsjøen er det seien som er den viktigaste botnfiskarten for det norske fiskeriet.

Stabilt for hyse, kviting, raudspette, kviting, lysing og breiflabb

Sei og torsk er dei viktigaste botnfiskbestandane for norsk fiskeri i Nordsjøen. I tillegg til desse, har ICES kome med kvoteråd for hyse, kviting, raudspette, lysing og breiflabb. 

Alle desse bestandane er fornuftig beskatta og i god forfatning. Kvoteråda er derfor ganske like som for 2025.

For kviting rår forskarane om at fangstane ikkje bør overstige 198 609 tonn i 2026. Det er opp 6 prosent frå anbefalt kvote for 2025 og opp 42 prosent frå avtalt kvote.

For hyse rår forskarane om at fangstane ikkje bør overstige 108 301 tonn i 2026. Det er 4 prosent opp frå tilrådd og avtalt kvote for 2025.

For raudspetta rår ICES om at fangstane i 2026 ikkje bør overstige 164 129 tonn, noko som er ned 7 prosent frå 2025.

For lysing tilrår ICES ein kvote på 54 912 tonn i 2026. Det er 5 prosent høgare enn tilrådd kvote for 2025.

For breiflabb tilrår ICES at det ikkje vert fiska meir enn 30 358 tonn i 2026 – ned 1 prosent.

Her finn du meir

Sjå dei tekniske kvoteråda og grunngjevinga bak på ICES sine nettsider om kvoteråd for Nordsjøen.